XVII EDIZIONE PREMIO LETTERARIO GURULIS VETUS
PADRIA 20 DE AUSTU 2016
Su Comune de Padria bandit sa
XVII edizione de su Premiu literariu “Gurulis Vetus”
in ammentu de su poeta padriesu Gavinu de Lunas.
BANDU ‘E CUNCURSU E REGULAS
1. Su cuncursu “Premiu Literariu” est abertu a totus sas òperas inèditas mai imprentadas ne premiadas in àteros cuncursos, iscritas in totus sas variantes de sa limba sarda.
2. Sas òperas, iscritas a manera jara , devent èssere imbiadas in 8 còpias, frimmadas cun unu paralùmene e serradas in d’una busta manna.
3. Intro sa busta manna devet èssere posta una busta minore cun su nomene, sambenadu, paralùmene, indiritzu e nùmeru de telèfono de su poeta.
4. Sos iscritos devent arrivare a sa segreteria de su cuncursu intro su 25 de Lampadas, pro lìtera indiritzada a: Segreteria Concorso Letterario c/o Comune di Padria, Piazza del Comune n. 1- 07015 Padria (SS).
5. Su cunsursu prevedit una setzione ùnica: SA POESIA PRO SU CANTU, intitulada a su cantadore e poeta padriesu Gavinu de Lunas.
6. Ogni cuncurrente at a pòdere inbiare solu unu cumponimentu. Su tema est lìberu , o ùnicu pro s’òpera o diferente pro ogni istrofa, s’istrutura poètica e mètrica devet èssere cunforme a sas pràticas de sos cantadores a chiterra.
7. Si raccumandat de sighire custos indicos: sas operas (Cantu in Re, Nuoresa, Mutos, Filonzana, Mi e La, Fa Diesis e Si Bemolle, Disisperada, Ninnidos, Duruduru e attitidos ) non podene superare su limite de sos 40 versos.
INDICOS
8. Pro motivos ligados a iscopos de publicatziones, est agradessida sa traduzione in limba italiana.
9. Sas òperas presentadas, restant de propiedade de su Comune chi las podent impitare pro iscopu culturale senza nudda dever a s’autore, chi nde restat su mere.
10. Sas òperas ant a bennere prugadas da una giuria ‘e judu chi hat assignare su 1°, 2° e 3° premiu cun mentziones o signalatziones. Su judisciu insoro non si podet mudare
PREMIATZIONE
Sos prèmios ant a èssere assignados a sos primos très classificados in custa manera:
1° prèmiu €.300
2° prèmiu €.200
3° premiu €.150
Sa Giuria podet destinare àteros prèmios a sos poetas cun mentziones e signalatziones .
Durante sa tzerimònia, si mancat carchi cuncurrente premiadu, sa Giuria podet tratènnere su prèmiu e a anera imbeniente protzedere a sa cunsigna de s’atestadu de partetzipatzione.
Sos prèmios chi non benint ritirados restant de propiedade de su Comune.
A partire dae sa passada editzione su inchidore de su primu premiu non podet binchere pro sos duos annos chi sighin.
Chie non rispettat custas regulas, perdet ogni dirittu ‘e cuncurrere a su premiu.
Sos datos personalòes de sos cuncurrentes enin impreados solu pro s’iscopu chi interessat su Cuncursu.
Sos binchidores tottu han a bennere jamados in tempus pro sa die de sa festa de su 20 de Austu
Bos ispettamos a coro in manu
Pro tottu sas informaziones : Comune de Padria TEL: 079-807018
www.comune.padria.ss.it
